E premte, 22 Tetor, 2021
14.5 C
Tirana

Muzikanti i pazakontë bën muzikë me gota qelqi

Muzikanti Jamey Turner zgjodhi një rrugë të pazakontë karriere, duke prodhuar tinguj muzikorë nga gotat e qelqit të mbushura me ujë. Ai rrëshqet me mjeshtëri mollëzat e gishtërinjëve mbi buzët e gotave, duke krijuar një sërë notash muzikore. Korrespondetja e Zërit të Amerikës Deborah Block shkoi në Aleksandria të shtetit Virxhinia ku mjeshtri i pazakontë i muzikës tërheq shumë turistë me tingujt që krijon.

Muzikanti me gota, Jamey Turner, tërheq vëmendjen e shumë vizitorëve në Aleksandria, me melodinë e famshmetë Bethovenit “Ode to Joy”.

Ai ka mbi 25 vjet që ofron tingujt e muzikës në rrugët e Aleksandrias. Turistë të shumtë vizitojnë “Qytetin e Vjetër” historik pak kilometra larg kryeqytetit, shumë prej tyre janë të huaj. Nicole Schwarss është turiste nga Gjermania.

“Është hera e parë që dëgjoj diçka të tillë. Është fantastike.”

Almudena Casdaneda është vizitore nga Meksika.

“Një mënyrë e veçantë për të prodhuar muzikë dhe duket mjaft e vështirë, sidomos të mbash mend tingujt që prodhon secila gotë.”

78 vjeçari Jamey Turner filloi të prodhonte tinguj nga gotat me ujë 50 vjet më parë. Megjithëse ai u bie instrumenteve të tjera, ky është pasioni i tij.

“Instrumenti që më ngjalli imagjinatën ishte tingulli që dëgjova kur im atë luante me një gotë në tavolinën e darkës, kur unë isha 6 vjeçar.”

Ai monton me llastik 60 gota të ndryshme vere mbi një dërrasë. Çdo gote i jep tingullin përkatës në bazë të masës së ujit të distiluar që ai përdor. Ndërsa Turner rrëshqet gishtat mbi buzët e gotave, më të voglat prodhojnë nota më të larta, ndërsa gotat e mëdha çlirojnë nota më të thella.

“Sa më shumë ujë ka gota, tingulli bëhet më i ulët”, sqaron artisti.

Disa vizitorë patën rastin të provojnë gotat më të mëdha. Vogëlushja Joeli Pepe nga Nju Jorku është mjaft kureshtare.

“Nuk e dija që gotat shërbejnë edhe si instrument. Nuk e dija që prodhonin kaq shumë tinguj.”

Muzika nga gotat e qelqit ishte popullore në vitet 1700, kur kompozitorët klasikë si Moxarti krijuan muzikë pikërisht për këtë instrument. Zoti Turner luan disa lloje melodish, përfshirë këtë pjesë popullore kineze.

Ky talent i ka siguruar muzikantit jetesën, edhe pse ka interpretuar me orkestra të njohura amerikane, trasmeton voa. Ndërsa ka pak njerëz që përdorin gotat si instrument muzikor, Turner shpreson që gjeneratat e ardhshme ta trashëgojnë atë.

“Mendoj se po përhapet. Shumë njerëz kanë parë videot e mia në Youtube; kam parë videot e shumë njerëzve që eksperimentojnë me këtë instrument. Kur dëgjon tingujt e saj, buzëqeshja lind vetvetiu.”

- Reklama -

Më shumë nga kategoria




Të fundit

Dy fitore që çojnë në humbje

Nga: Blendi Kajsiu Që fitorja e fushatës Berisha është humbje e madhe për PD-në, kjo tashmë është e qartë edhe për vetë doktorin. Ai e...

Si mund ta ndryshojnë politikën në Evropë zbulimet e “Pandora Papers”

Nga: Chris Raggett “European Council on Foreign Relations” Fshehtësia e financave nuk është më si dikur. Publikimi më 3 tetor i “Pandora Papers”, i rreth 12...

Donald Trump lançon rrjetin e tij social, ja si do të quhet aplikacioni

Pasi u përjashtua nga platformat sociale si Facebook dhe Twitter, Trump ka bërë përpjekje për krijimin e një media sociale rivale. Ish-presidenti amerikan Donald...

Super-operacion i shërbimit sekret, në pranga 15 agjentë të Mossad-it

15 persona janë arrestuar në Turqi, pasi autoritetet i akuzojnë si agjentë të shërbimit sekret izraelit, Mossad. Si rezultat i operacionit të kryer në...

Progres-Raporti 2021 konfirmon 15 parakushtet e paplotësuara

Nga: Bujar Leskaj Komisioni Europian publikoi ditën e djeshme Progres-Raportin për Shqipërinë. Të 136 faqet e këtij raporti përbëjnë provën e shkruar se qeverisja...