Skënderbeu mposht Flamurtarin në supersfidën direkte për titull, me gol të Muzakës në minutën e 83’. Kjo fitore mund të ketë vulosur edhe fatin e kampionatit, që tashmë duket se titulli do të rikthehet në Korçë me një diferencë pikësh 11 nga vendi i dytë. Veç gëzimit të golit, festimet janë pasuar edhe me momente ankthi, veçanërisht për mbrojtësin Osmani, që është parë të nxitojë drejt pankinës, aty ku ambulanca nxitoi të japë ndihmën e shpejtë për një të afërmin e futbollistit që ka shfaqur probleme në ato momente.
Korçarët kanë arritur në kuotën e 43 pikëve, me një epërsi prej plot 11 pikësh nga vendi i dytë ku ndodhet pikërisht Flamurtari, bardhekuqtë kanë mbërthyer me një dorë trofeun. Flamurtari bëri një paraqitje dinjitoze, por nuk arriti të jetë asnjëherë i qartë para portës, ku arriti të rrezikonte vetëm Alvesh me disa goditje nga distanca. Tashmë vlonjatët rrezikojnë edhe vendin e dytë në klasifikim, me ndjekësit që ndodhen shumë pranë.
Janë pikërisht vendasit ata që në pozitat e favoritit tentojnë të imponohen dhe shumë shpejtë kanë të gjitha shanset për të konkretizuar superioritetin e tyre. Fillimisht me James dhe më pas me Soëe, brenda vetëm 10’ minutave të para të lojës, Skënderbeu shpërdoroi dy shanse shumë të mira për të kaluar në avantazh, por pa saktësi në finalzim nga të dy sulmuesit. Flamurtari nuk ka forcën për të rrezikuar portën korçare.
Në fraksionin e dytë të lojës, presingu në gjysmëfushën vlonjate u rrit ndjeshëm. Për pasojë në të 69’ James shërben për Sowe që në hyrje të zonës, i vetëm përballë Nurkovic gjuan, por jashtë kuadratit. Korçarët vijojnë të rrezikojnë me Lilaj e më pas Zuka për pak nuk shënoi autogol. Alves është i vetmi në kampin vlonjat që kërcënon portën bardhekuqe me goditje nga jashtë zone. Skënderbeu kalon në avantazh në minutën e 83’, kur topi i shërbyer nga Radas, pas një rrëmuje në zonën vlonjate, ka përfunduar në rrjetë.
