Publicisti, Besnik Mustafaj komentoi ato që fliten në media për aksioin e madh opozitar dhe për protestat. I ftuar në rubrikën “Opinion”, Mustafaj tha se nuk janë akoma kushtet. Ai shtoj se shoqëria aq sa shpreh një lloj neverie ndaj shumicës parlamentar, aq ka edhe mosbesim të madh dhe mungesë gatishmërie për të ndjekur opozitën.
Ndërsa për gjuhën e përdorur nga kryeministri Edi Rama për mediat e gazetarët, Mustafaj deklaroi se kryeministri po përdor mediat për ta zhvendosur vëmendjen nga problemet më të mëdha tek ato më pak të rëndësishme.
Mustafaj: A është nevoja për një shprehje edhe në rrugë të pakënaqësisë popullore? Unë them se po është nevoja, por a është opozita gati që të tërheqë njerëzit? Duhet të dini se shoqëria aq sa shpreh një lloj neverie ndaj shumicës parlamentar, aq ka edhe mosbesim të madh dhe mungesë gatishmërie për të ndjekur opozitën. Klasa politike po kalon një krizë
Media është pushtet më vete, është një nga themelet e demokracisë pushtet i garantuar me Kushtetutë. Në këtë kuptim, shprehjet e Ramës janë sulme ndaj një pushteti të pavarur. Se sa i besueshëm është këtë se vendos kryeministri. Kjo nxjerr në pah problemet që ai ka. Vetë ai ka krijuar një media, ERTV e tij është pjesë e peizazhit, pra, ai e kupton rëndësinë e komunikimit. Sulmet ndaj medias frymëzohen nga një mentalitet autoritarist. Edi Rama është një njeri i teatrit, fakti që ka bërë shkollë arti pasqyrohet edhe tek mënyra se si do ta manipulojë opinionin publik. Përpara skandaleve ai bën një tentativë për të larguar vëmendjen e opinionit tek probleme të tjera.
