Publicisti i njohur Besnik Mustafaj, ka mjaft kritika ndaj presidentit Thaçi, e ndërsa nuk nguron që të japë vlerësimin e tij sa i takon çështjeve të shkëmbimit të mundshëm të kufijve Kosovë-Serbi.
I ftuar në rubrikën “Opinion”, në studion e lajmeve në “News24”, ai hodhi akuza mbi presidentin e Kosovës, duke qënë jo serioz në qëndrimin e tij. Mjaft i prerë në reagimin e tij, ai thotë se të gjitha hopotezat janë të mundshme në këtë situatë.
Po kështu, Mustafaj është i bindur se përpos qëndrimit amerikan, mjaft peshë kanë institucionet në Kosovë.
“Termi është përdorur që nga mbarimi i luftës në Kosovë, nuk përdoret asnjëherë termi kosovar, por shqiptar e serb. Gjithë hipotezat janë të besueshme.
Thaçi më duket jo serioz në këtë paraqitje. Ai e di mandatin e tij kushtetues, për zgjidhjen e këtij problemi është i pafuqishëm.
Nuk është kryesor reagimi i SHBA për këtë problem, janë institucionet e Kosovës, të cilët janë unanimë, përveç Baton Haxhiut. Qoftë qeveria, parlamenti e shoqëria civile janë kompakte në kundërshtimin për ndarjen e Kosovës.
Tërheqja e luginës së Preshevës pa dhënë asgjë është naive ta besosh, dhe e pamundur. Thaçi përmend vetëm atë që do merret, por jo atë që do jepet. Daçiç tha që Kosova do e marrë luginën e Preshevës, kur të bëjë shelgu rrush.
Asnjë kompetencë s’ka Washingtoni të përcaktojë në fatin e Kosovës, nuk janë ata që vendosin për lëshime territoresh”, përfundoi Mustafaj.
