Publicisti Besnik Mustafaj ka komentuar vendimin për shkarkimin e Besim Hajdarmatajt nga Prokuroria e Krimeve te Renda. I ftuar në rubrikën “Opinion” në studion e lajmeve në News24, Mustafaj tha se kryeprokurorja Arta Marku po emëron shoqet e saj.
“Prokurorja Arta Marku po bën një gjë që është e papajtueshme me frymën që presupozohet se duhet të fusë reforma në drejtësi, një klientelizëm shumë të madh duke emëruar shoqet e saj, të njohura si mikesha të saj personale, pra njerëz që ka lidhje emocionale më të fortë se kolegët e tjerë. Kjo gjë e zhvlerëson parimësinë e këtyre lëvizjeve.
Arsyeja tjetër lidhet me rezultatet që ka pasur prokurorja që ka zëvendësuar Hajdarmatajn. Ekstradimi që ishte kundër interesave të Tahirit. Kjo zonjë më e pakta është profesionalisht e paaftë për të mbajtur barra të mëdha”, tha Mustafaj.
