Deputeti tashmë i përjashtuar nga PD, Myslym Murrizi, ka shpërthyer në akuza në drejtim të gazetarit Blendi Fevziu dhe ish-deputetit Mark Marku. Murrizi ka shpërthyer pas deklaratave që janë bërë në emër të tij, ndërsa i ka kthyer përgjigje me një fjalor aspak të përshtatshëm.
Ai sqaron përmes një statusi në rrjetin social Facebook, se ndaj tij nuk ka pasur asnjë ftesë për sqarim, se pse nuk e dorëzoi mandatin e deputetit. Po ashtu deputeti thotë se i ka dërguar dhe disa mesazhe në telefon analistit Afrim Krasniqi, po ky i fundit as nuk ka dënjuar që ti lexojë.
Mjaft i revoltuar, ai thotë se ka 29 vite në politikë, dhe se nuk është gagaç studiosh që të shprehet si deputetët e Kuvendit shqiptar.
