Deputeti dhe kreu i PD në Lushnje, Myslym Murrizi i ftuar në emisionin ‘Arena’ deklaroi se deputetët e LSI-së që kanë djegur mandatet dhe kanë zënë vendet e deputetëve, nuk kanë ardhur rastësisht, por janë porositur.
Murrizi solli në vëmendje rastin e deputetes së Shkodrës nga lista e LSI-së, Amra Borova, për të cilën tha se është familjare e ngushtë me Agron Çelën, që kryesonte listën në këtë qytet, teksa shtron pyetjen se si mundet që Borova të marrë mandatin pa miratimin e të afërmit të saj.
“Ata (të LSI-së) i kanë plotësuar të gjitha listat. Nuk gjykoj që nuk kanë ardhur rastësisht. Absolutisht kanë ardhur me porosi. Ju tregoj rastin në Shkodër. Duke qenë se jam tek Komisioni i Mandateve erdha për të parë raportin e KQZ-së.
Për deputeten e Kuvendit, që nuk e ka bërë betimin akoma sepse një ditë më parë u bë me vajzë. Kurrë nuk e besoj që ajo të ketë marrë mandat jashtë miratimit të atij që e ka lënë mandatin.
Është familjare e ngushtë e tij, e zotit Çela dhe, është në listë se ka dashur ai ta fusi. Mbesa apo nusja e nipit nuk mund të marrë mandatin që lë xhaja”, u shpreh Murrizi.
