Murray humb “Australian Open”: Do të rikthehem shpejt

Australian Open ka humbur edhe një tjetër yll tenisi, bëhet fjalë për ish-numrin një të botës, Andy Murray. Tenisti britanik kishte paralajmëruar një javë më parëse mund të përfundonte në një ndërhyrje kirurgjikale në shpinë dhe mund të humbiste turneun dhe kështu ka ndodhur. Lajmin e ka konfirmuar vetë Murray, i cili tashmë është vetëm i 16 në rangun botëror të tenistëve, me anë të një statusi në “Facebook”, ku shkroi : “Sot iu nënshtrova një ndërhyrje kirurgjikale dhe dua të falënderoj doktorin John O’Donnell për operacionin. Mezi pres të rikthehem në fushë dhe të jem kompetitiv si më parë. Do të rikthehem shpejt”.

“Ju falënderoj të gjithëve për mbështetjen që keni shprehur karshi meje kohët e fundit. Nuk do të sforcohem gjatë fazës së rikuperimit, ndaj do të luaj sërish vetëm kur të jem gati. Nëse do të jem në gjendje të luaj edhe në 95% të mundësisë time, atëherë besoj se do të rikthehem kompetitiv”, u shpreh më tej Andy Murray, ish-numri 1 në botë. Ai nuk luan që prej grand slemit të Wimbledonit një vit më parë dhe shpreson të rikthehet në turneun e shtëpisë, në qershor të këtij viti, çka do të thotë se do të mungojë në Roland Garros (Paris) dhe në disa nga turnetë Masters.