Real Madrid nuk arrin të marrë pesë fitore radhazi në La Liga. Madrilenët janë mposhtur 1-0 në transfertën e Espanyol. Zidane kishte vendosur që të linte pushim disa nga titullarët dhe në fushë ishin shumë emra të rinj dhe lojtarë që zakonisht qëndrojnë në stol.
Real regjistron rastin e parë për gol në minutën e 7’ me Gareth Bale. Britaniku lëshon një goditje të rrezikshme nga brenda zonës por topi devijohet mjaft bukur nga ish-portieri i Los Blancos Diego Lopez. Ndeshja është me aksione nga të dyja krahët dhe në minutën e 27’ ishte Gerard Moreno ai që kishte mundësinë të kalonte vendasit në avantazh por goditja e tij ishte e pasaktë. Pak më vonë ai e fut topin në rrjetë por asistenti i arbitrit ngre flamurin për pozicion jashtë loje.
Mungesa e Ronaldos ndjehet shumë në fazën e sulmit, pasi me Isco dhe Bale gjërat nuk funksionojnë. Real sulmon, por e një vakëti të theksuar, ndërsa Espanyol rrezikon isa herë me Duarte dhe Moreno por nuk arrin të gjejë golin. Miqtë kanë probleme në ndërtimin e aksioneve, dhe mbase rotacioni i tepërt ka ndëshkuar Zidane.
Bale ishte ndër lojtarët më të dobët të ndeshjes dhe Zidane vendosi ta zëvendësojë dhe në fusheë të hedhë Benzema, por as ky i fundit nuk arriti të bëjë asgjë. Nëse rezultati mbeti i pandryshuar, meritë për këtë e ka edhe Kaylor Navas me pritjet e tij që ka ruajtur portën e paprekur. Dhe në sekondat e fundit të kohësh shtesë Espanyol më në fund ka shënuar një gol të merituar me anë të Moreno-s.
