Mohamed Salah do të jetë një mungesë e madhe në sfidën e dytë gjysmëfinale që Liverpool do të luaj përballë Barcelonës në “Anfield”, në kuadër të Champions League. Egjiptiani u dëmtua në ndeshjen e fundit në kampionat, duke humbur mundësinë për të sfiduar Barcelonën e Lionel Messi dy herë brenda pak ditësh.
Por, pavarësisht se nuk do të zbres në fushë dhe të vesh fanellën me numër 11-të, Salah zbriti në fushë me një mesazh mjaft të veçantë.
Një fanellë e tij, ku shkruhej: “Kurrë mos hiq dorë” bëri xhiron e botës brenda pak minutave, ndërsa pritet të shërbejë për motivim për Liverpool, që i duhet të përmbys rezultatin e ndeshjes së parë, 3-0.
