Sergio Ramos nuk është grumbulluar me ekipin në prag të sfidës përballë APOEL, në Champions League. Pas atij dëmtimi që mori në hundë, të dielën përballë Atletikos. Për këtë arsye Zinedin Zidane ka vendosur që të mos e ftojë lojtarin dhe ta lejë të pushojë për të qenë i gatshëm për sfidën e radhës në kampionat.
Pas mungesës ai ka bërë një koment për mungesën e tij. “Për fanellën e Real Madridit do të gjakosesha edhe 1000 herë më shumë”, ka thënë ai.
Gjithashtu të dëmtuar së bashku me Ramosin janë edhe Keylor Navas dhe Gareth Bale. Ndërkohë Mateo Kovacic është riaftësuar, por nuk është grumbulluar për këtë takim. Real Madridi është në kërkim të vendit të parë, pasi aktualisht është i dyti pas Tottenhamit.
