Argjentina pa Lionel Messin është një ekip mëse normal, pasi është përmbysur në miqësoren e sotme nga Nigesia, nga 2-0 në 2-4. Ndeshja u zhvillua në Krasnodar të Rusisë, ku përfaqësuesja “albiceleste” ishte në avantazh të dy golave pas vetëm 36 minutash, me autorë golash Banegën dhe Agueron, por argjentinasit u përmbysën në vijim nga formacioni afrikan, që shënoi plot 4 herë ndaj tyre.
Në fundin e pjesës së parë është Iheanacho që shkurton diferencën, për tu pasur nga dy gola të shpejtë të shënuar pak pasi fillon pjesa e dytë me anë të Iwobi dhe Idowu. Pak pasi e përmbysën nigerianët gjetën edhe golin e katërt me anë të Iwobi për të vulosur shifrat përfundimtare të takimit. Në këtë ndeshje mungonte ylli argjentinas Messi ku u ndje mungesa e tij edhe pse në fushë qëndroi më shumë se një orë ylli Juventusit, Dybala.
Ky rezultat vë edhe njëherë në dukje problemet e formacionit të drejtuar nga Sampaoli, që siguroi biletën për në Botërorin e Rusisë vetëm në ndeshjen e fundit ndaj Ekuadorit, ku shënoi tri herë Lionel Messi.
