Qeveria në detyrë ka shkarkuar Bordin e drejtorëve të ndërmarrjes publike KRU “Mitrovica” dhe ka emëruar Bordin e ri.
“Në rend të ditës në këtë mbledhje është paraparë edhe shkarkimi i Bordit të drejtorëve dhe emëruesin e Bordit të përkohshëm të drejtorive të ndërmarrjes publike qendrore kompania rajonale e ujësjellësit “Mitrovica””, thuhet në njoftim.
Kjo mund të jetë dita e fundit e qeverisë Kurti, pasi Kuvendi është mbledhur në orën 11:00 për të votuar qeverinë e re.
Më herët, Presidenti i Kosovës Hashim Thaçi, pas vendimit të Gjykatës Kushtetuese kërkoi që sa më shpejt të formohet qeveria e re, sepse sipas tij, “Kosova nuk e ka luksin të ketë vakum në qeverisje”.
