Kreu i Partisë Demokratike, Lulzim Basha uron besimtarët myslimanë për nisjen e muajit të Ramazanit.
Përmes një postimi në rrjetin social “Facebook”, Basha i uron besimtarëve agjërim të lehtë dhe të pranuar.
Ndër të tjera, lideri demokrat shkruan se lutet që sakrifica fisnike e çdo besimtari të shndërrohet në bekim hyjnor për çdo familje shqiptare.
“Në nisje të muajit të shenjtë të Ramazanit, ju uroj nga zemra të gjithë besimtarëve myslimanë, të dashur vëllezër dhe motra, agjërim të mbarë, të lehtë e të pranuar në këtë muaj të sakrificës, të shpresës dhe të ngadhënjimit! Lutem që sakrifica juaj fisnike të shndërrohet në bekim hyjnor për të gjithë agjëruesit, për çdo familje shqiptare, për vendin tonë dhe për mbarë kombin shqiptar!
Zoti e bekoftë Shqipërinë”, shkruan Basha.
