Zjarrfikësi që mbeti i plagosur paraditen e sotme në Elbasan, teksa po shuante zjarrin që kishte përfshirë makinën e dyshuar të atentatorëve të Ardian Çapjas, ka rrëfyer çfarë ka parë.
Dashamir Muhaxhiri, 38 vjeç, ka thënë se fillimisht nuk e kishte kuptuar se çfarë kishte ndodhur. Ai kishte menduar se kishte shpërthyer një gomë. E pasi kishte fikur zjarrin, kishte parë që ishte lënduar edhe vetë.
“Ndodhi një shpërthim fillimisht, por nuk e ndjeva. Thashë se shpërtheu ndonjë gome a diçka tjetër, pasi u fik zjarri, pashë që këmbën e kisha të dëmtuar”.
Çfarë mund të ketë pasur?
Aty shpërtheu një predhë a diçka, nuk e di fort mirë.
Në derën e pasme të automjetit. kishte një vrime? Mund të jetë plumbi?
Ai ishte.
Ka pasur armë brenda makinës?
Po, ka pasur.
Kishte snajper?
Nuk e di saktësisht.
Po zjarri ç’pjesë të makinës kishte përfshirë në fillim?
Zjarri e kishte përfshirë komplet mjetin.
Patët frikë?
Nuk pata se kam disa vite që operoj në zjarrfikëse. dhe nuk më ka bërë shumë përshtypje kjo plasja që ndodhi, kujtova se ishte normale, si gomë.
Te cila këmbë jeni dëmtuar?
Te këmba e djathtë.
