Një lajm i mirë vjen nga ngjarja e ndodhur në Austri ditën e Krishtlindjeve. Mediat bëjnë me dije se kanë arritur të shpëtojnë një 26 vjeçar, të bllokuar nën një ortek dëbore, në malin Pleschinitzziken. Ngjarja ndodhi natën e krishtlindjeve dhe nga rënie e ortekëve humbën jetën 3 persona.
Mediat e kanë quajtur një mrekulli Krishtlindjeje. Pas rënies së ortekëve, një burrë në zonë, kishte raportuar për mungesën e një personi të cilin e kishte parë në luginë disa orë më parë.
Menjëherë janë vënë në lëvizje forcat e kërkim-shpëtimit, të cilat pas dy orësh kërkimesh, nëpërmjet pajisjeve elektronike, kanë arritur të lokalizojnë vendndodhjen e të riut. Ai ndodhej nën dy metra dëborë.
Pas as pesë orësh gërmim, forcat e kërkim-shpëtimit kanë arritur ta nxjerrin atë nga orteku i dëborës. Pavarësisht hipotermisë, i riu nuk pësoi dëme të rënda. Më pas, një përfaqësues i grupit të shpëtimit ka dhënë detaje mbi mënyrën sesi kishte arritur të mbijetonte 26 vjeçari.
Fatmirësisht, ai kishte pasur me vete një qese me ajër, e cila e kishte mbajtur gjallë nën ortekun e borës.
Sipas mjekëve, mbijetesa e një njeriu pas pesë orësh nën ortek, është diçka që ndodh një herë në 20 vjet në alpe.
