Pas sulmit të mbrëmshëm në Kuvend, ka reaguar Ministria e Punëve të Brendshme në Maqedoni, e cila ka njoftuar se është normalizuar gjendja në Kuvend dhe rreth tij, duke u rivendosur rendi dhe qetësia.
Sipas njoftimit, 102 persona janë lënduar mbrëmë dhe kanë kërkuar ndihmë mjekësore. Kështu, në spitalin e qytetit, që ndodhet përballë Kuvendit, ndihmë mjekësore kanë kërkuar gjithsej 70 qytetarë, 22 policë dhe 3 deputetë. Gjithashtu, në kazermën në Gyorche Petrov, ndihmë mjekësore kanë kërkuar edhe 7 qytetarë të tjerë.
MPB deklaron se pas trazirave të shkaktuara, do të ndërmarrin masa dhe aktivitete shtesë me qëllim të mbrojtjes së sigurisë së qytetarëve, pronave dhe sigurimin e gjendjes stabile të sigurisë.
