Jose Mourinho po planifikon të marrë sulmuesin gjerman Thomas Muller nga Bayern Munich te Manchester United, verën e ardhshme, shkruan The Sun.
Ylli që ka fituar Kupën e Botës është grindur me Carlo Ancelottin dhe është irrituar që kur u la në stol. Pas kontratës së Bayern me James Rodriguez duket se Muller po lufton edhe për kohën e lojës.
Muller, 28 vjeç, pranoi së fundmi se ai ishte tunduar nga United dy vjet më parë, por zgjodhi të qëndronte në Gjermani. Edhe pse Ancelotti pritet të zëvendësohet nga Julian Nagelsmann në fund të sezonit, Muller është gati për një lëvizje në Premier Ligë.
Djajtë e Kuq do të ishin zgjedhja e tij e preferuar. Burime të Bayern thonë se Muller është gati për një sfidë të re. Klubi nuk dëshiron që ai të largohet, por Muller duket i vendosur për tu larguar pas Botërorit të verës së ardhshme./ Tirana Today
