Mbrëmjen e sotme ka ndodhur një aksident i rëndë në aksin rrugor Vau Dejës-Hajmer. Nga ky aksident ka mbetur i plagosur 19-vjeçari Viktor Gega nga Vau i Dejës, i cili është në gjendje të rëndë. Gjithashtu i plagosur është dhe shtetasi Emanuel Dodaj i cili është jashtë rrezikut për jetën.
Gega është dërguar menjëherë drejt Tiranës në Spitalin Ushtarak. Dy të rinjtë po udhëtonin bashkë me një motor dhe kanë dalë nga rruga në fshatin Hajmel duke u aksidentuar.
Ky është aksidenti i dytë brenda ditës teksa në orët e paradites u plagos rëndë një shtetas i komunitetit egjiptian, i cili gjithashtu u dërgua drejt Tiranës pas incidentit tek ura e re e Bunës me një triçikël.
