Reshjet e dendura të shiut kanë shkaktuar probleme në të gjithë vendin, ndërsa më kritike paraqet situata në Vlorë, Fier dhe Elbasan, për shkak të prurjeve të mëdha të lumenjve.
Lumi Shkumbin ka dalë nga shtati, duke përmbytur disa zona bujqësore për shkak të reshjeve të dendura të së shtunës.
Vërshimi i lumit Shkumbinit ka shkatërruar urën e Rrethit të Bardh në njësinë administrative Hotolisht, duke lënë të izoluar qindra banorë.
Situata paraqitet problematike edhe në Jagodinë, ku përmbytjet janë masive, ndërsa disa fshatra janë pa energji elektrike.
Edhe qarkullimi në segmentin Librazhd-Përrenjas ka patur probleme nga rënia e gurëve nga shpatet e kodrave.
