Pezullohet lundrimi në portin e Vlorës për shkak të motit të keq.
Mëngjesin e sotëm janë pezulluar lundrimet, pasi dallgët brenda gjirit të Vlorës arrijnë rreth 5 ballë, ndërsa jashtë tij 7-8 ballë.
Ndërkohë, mësohet se në port nuk ka mbërritur ende trageti i linjës Brindisi-Vlorë, i cili duhej të ankorohej në orën 07:00 të mëngjesit të sotëm.
Trafiku detar është i pezulluar dhe mjetet lundruese janë në radhë.
Ndryshe paraqitet situata në portin e Durrësit, ku deri më tani nuk ka pasur probleme për mjetet lundruese.
