Reshjet e shiut dhe vërshimi i ujërave ka krijuar problematika të shumta në disa qytete të vendit.Nga të dhënat e fundit raportohet se në Shijak janë shembur tre ura duke izoluar 3 fshatra, ndërsa për shkak të gjendjes së rëndë janë përmbytur 50 banesa dhe janë evakuuar 40 familje për shkak të situatës së rëndë të krijuara në këtë zonë.
Shembja e urave ka lënë të izoluar fshatrat, Gjepalaj, Çizmel dhe Shitel. Emergjencat Civile janë në terren dhe po identifikojnë banesat të cilat rrezikohen më së shumti nga vërshimi i ujërave në zonat periferike të qytetit të Shijakut.Banorët shprehen të alarmuar dhe kërkojnë ndërhyrjen e shteti për t’i ndihmuar, pasi sipas tyre, situata është shumë e rëndë.
