Shtrëngatat dhe rreshjet e dendura do të dominojnë këto ditë disa zona të vendit. Nisur nga situata, Policia rrugore u bërë thirrje të gjithë drejtuesit e mjeteve të bëjnë kujdes të veçantë, sidomos në akset ku prezencë të ujit në disa rrugë.
Policia rekomandon të gjithë drejtuesit e mjeteve që të mos qarkullojnë me shpejtësi, të jenë të kujdesshëm në kryerjen e manovrave, të vendosin rripin e sigurimit dhe të mos përdorin celularin gjatë drejtimit të mjetit.
Ndërsa prej drejtuesve të motomjeteve ka kërkuar të vendosin kaskën mbrojtëse dhe atyre të biçikletave të ndriçojnë biçikletën gjatë udhëtimit dhe në rast rreshjeve të dendura të ndërpresin lëvizjen deri në qetësimin e motit, për të mos rrezikuar jetën.
Gjithashtu policia thotë se një vëmendje të veçantë duhet të tregojnë edhe këmbësorët që tentojnë të kalojnë nga njëri krah i rrugës në tjetrin, pasi edhe për shkak të shiut dhe errësirës, rreziku është i madh për tu përfshirë në aksident rrugor.
Policia Rrugore ka shtuar shërbimet në të gjitha akset dhe siguron drejtuesit e mjeteve se për çdo emergjencë që mund të kenë gjatë udhëtimit të telefonojnë menjëherë në numrin 112 apo të dërgojnë imazhe në Komisariatin Dixhital dhe shërbimi i Policisë do të jetë në kohë reale në ndihmë të tyre.
Ky paralajmërim vjen në kuadër të masave që Policia rrugore ka ndërmarrë për normalizimin e qarkullimit rrugor në këto ditë me rreshje.
Parashikimin e motit mund ta lexoni këtu:
Reshjet e dendura të shiut, në mesditë pritet përmirësim i motit
