Pezullohet lundrimi në Sarandë, për shkak të motit të keq. Dallgët 5-6 ballë kanë bërë që kapiteneria e Portit në Sarandë të pezullojë lëvizjen e mjeteve ujore dhe peshkarexhave.
Sipas informacionit të siguruar nga kapiteneria, situata meteorologjike në Gjirin e Sarandës për datën 15 dhjetor 2018 është: Dallgëzimi në det 5-6 ballë, drejtimi jug – lindje, dhe shpejtësia e erës 24 km /orë.
Për këtë arsye nga ana e kapitenerisë u pezullua linja detare Sarandë – Korfuz si dhe anijet e peshkimit. Gjithashtu jashtë funksionit për shkak të motit ka qenë linja detare Korfuz – Sarandë.
