Kur në Shqipëri reshjet e shiut kanë shkaktuar probleme të shumta, në vendet e rajonit moti ka sjellë reshje dëbore duke shkaktuar probleme në lëvizjen e mjeteve, por jo vetëm.
Disa nga vendet e Ballkanit janë përfshirë nga moti i keq, me temperatura që shkojnë deri në -10 gradë celciues, reshje të mëdha bore dhe erëra të forta. Kroacia pothuajse është zbardhur, ndërsa një situatë e ngjashme regjistrohet edhe në Bosnje dhe Slloveni. Në Kroaci, trashësia e borës arrin nga 62 cm deri në 120 cm.
Bora nga mëngjesi i sotëm ka përfshirë edhe Slloveninë ku temperaturat janë ulur deri në – 10 gradë. Reshjet kanë prekur edhe pjesën perëndimore dhe veriperëndimore të Bosnjës, duke u lëshuar në jug, ndërsa edhe Maqedonia raportohet se mund të përfshihet nga kjo valë e ftohët me temperatura nën zero.
