Një ditë më parë, Kuvendi miratoi paketën ‘anti-shpifje’. Nga radhët e opozitës së re bashkuan votat me mazhorancën për miratimin e ligjit. Ajo që ra në sy ishte përçarja e të ashtëquajturës ‘opozita e re’, pasi disa prej tyre bashkuan votat me socialistët, duke i hapur rrugë ligjit aq shumë të debatueshëm, që sipas gazetarëve, cënojnë lirinë e fjalës së lirë.
Bëhet fjalë për këta deputetë që votuan pro kësaj pakete: Edmond Stojku, Ediola Braha, Nimet Musai, Majlinda Halilaj, Eugen Bojaxhiu, Ramazan Gjuzi, Selami Jenishehri, Ervis Meco, Aurora Mara. Ndërkohë, abstenim dolën Ditmir Bushati i PS, Edlira Hyseni, Ylli Shehu, Edmond Rrushi, Besnik Troplini.
Kujtojmë se Majlinda Halilaj ishte kryefjala e mediave disa javë më parë, pasi fjalimi i saj në Kuvend bëri xhiron e rrjeteve sociale, për shkak të gafave në të lexuar. Fjalën “korporatë”, deputetja e dalë nga listat e PD e lexonte “kërpëratë”.
