Gjatë kësaj javë, do të mbizotërojnë temperaturat e ulëta. Sipas sinoptikanëve, edhe pse do të ketë diell dhe mot të kthjellët, temperaturat do të zbresin në -6 gradë në zonat malore dhe -3 gradë në ato të ulëta.
“Rikthehen kthjellimet në të gjithë vendin, duke përjashtuar ekstremin Verior ku do ketë vranësira lokale. Edhe pasditja mbetet me mot të kthjellët dhe të ftohtë.
Temperaturat e ajrit gjatë mëngjesit luhaten nga –3°C në 1°C në zonat e ulëta dhe bregdet por zbresin në – 6°C në zonat malore; mesdita vijon me temperatura të ulëta, deri 4°C në zonat malore dhe deri 12°C në bregdet,” shkruan Metoalb.
