Zëvendëskryeministri Erion Braçe ka debatuar ashpër me një gazetare, aq sa u detyrua të ndërpresë komunikimin në ambientet jashtë Kuvendit.
Pas insistimit të gazetares për të pyetur nëse është normale që eksponentë të lartë të PS-së të bëjnë presione për votat, Braçe dha një përgjigje diplomatike. Por kjo situatë nuk i shpëtoi gazetares, e cila insistoi, madje duke u përballur me Braçen.
Pyetja që e irritoi mësë shumti Braçen ishte ajo se pse nuk po ndiqen të njëjta standarde për ish-ministrat dhe kandidatët e PS-së, siç u bë me Saimir Tahirin.
Pjesë nga debati:
Gazetarja: Është i pranueshëm ky terrori, që drejtori i Ujësjellësit i kërkon listat dhe i thotë i kam gati
Braçe: E di ç’është terrori? Terrori është shumë i qartë në rastin kur një muaj para zgjedhjeve, vritet një deputet në derë të shtëpisë. Në rastin e Peshkopisë ndalohet tjetri dhe i vihet pistoleta në gojë. Po e pranoj edhe këtë, po të them të hetohet ky terrori.
Gazetarja: Arta Marku nuk është politike, nuk heton dosje
Braçe: Për të të hequr ty shqetësimin…që nga dita që ka hyrë në fuqi reforma, Arta Marku nuk ka asnjë lloj atributi mbi çështje të caktuara. Prokurori i çështjes është zot i kësaj gjëje. Janë fakte shumë të rëndësishme këto që po ju them. Të çlirohesh nga emocionet.
Gazetarja: Nuk kam emocione, jam e shqetësuar për përgjimet, për vendin tim
Braçe: Lëri emocionet
Gazetarja: Jam e shqetësuar që po dalin përgjime dhe Saimir Tahirin e cilësoni ‘dru të shtrembër’
Braçe: Shyqyr që ju dhe televizioni juaj jeni të shqetësuar për Saimir Tahirin
Gazetarja: Jo nuk jam e shqetësuar për Saimir Tahirin, por për stadartet në PS
Braçe: Deri dje ti përsonalisht dhe televizioni e kanë shpallur Tahirin kriminel, horr…
Gazetarja: Pse nuk po përdoret i njëjti standard edhe për këta që kanë dalë në përgjime, e keni kandidat Ndreun. Pse nuk po mbani përgjegjësi?
Braçe: Urdhërat i konsumoni me atë drejtorin që ke në zyrë.
Gazetarja: Mos e prek mikrofonin
Braçe: Urdhërat me mua nuk i konsumon dot
