Kryeministri Edi Rama e ka kthyer në rutinë postimin e shprehjeve dhe thënieve të ndryshme. Sot e ka nisur ditën me fjalët e legjendës së boksit, Muhammad Ali. Një shembull për talentet e çdo sporti.
“Mos numëro ditët, jepu vlerë atyre”, është shprehja e thënë nga legjenda e boksit, ndërsa Rama e cilëson këtë shprehje si fjalë të çmuar.
Tashmë është bërë e udhës që kreu i qeverisë të ndajë me ndjekësit shprehje të personave të famshëm dhe me influencë, ndërsa ndonjëherë këto shprehje janë edhe si një mesazh i koduar për t’iu përgjigjur kundërshtarëve politikë.
