Moderatori Arian Çani ka diskutuar në emisionin e tij “Zonë e lirë”, zhvendosjen e shtëpisë së kreut të PD-së, Lulzim Basha. Ky i fundit ishte njoftuar për temën, dhe nuk ka hezituar që ti dërgonte një mesazh gazetarit.
“Çani nuk po të ndjek, por më thanë që paske rënë në llumin e gënjeshtrave të qeverisë. Banesa nuk është e Papulit, nuk kam lidhje me të dhe as me ndonjë oligark tjetër.
Përkundrazi, do të vazhdoj luftën tim kundër tyre. Ti si gazetar e kishe të lehtë ta verifikoje para se të bëheshe pjesë e gënjeshtrës kundër meje dhe familjes time”, shkruan Basha, në mesazhin e dërguar gazetarit.
Çani: Mos Lul mos, nuk thashë gjë.
Lidhur me këto lajme, më herët është përcjellë edhe një reagim nga ana e PD-së. Sipas reagimit të kësaj force politike, thuhet se Basha në atë zonë ka marrë një shtëpi me qira, pasi banesa e tij tek pallati ngjitur me stadiumin është dëmtuar nga tërmeti.
