Një 27-vjeçare nga Australia ka sjellë në jetë një vajzë e cila peshon 5.9 kg. Prindërit e foshnjes, Emma dhe Daniel Millar nga Mount Warrigal, e kishin kuptuar që vajza e tyre mund të ishte disi me përmasa të mëdha, por jo të ishte kaq mbipeshë.
Vajza e quajtur Remi erdhi në jetë falë një ndërhyrje cezariane, në spitalin Wollongong. Ndërsa një foshnjë mesatare australiane peshon vetëm 3.3 kg, znj. Millar lindi vajzën me peshë rreth 6 kg.
Në këtë familje, duket se fëmijët lindin me peshë të konsiderueshme. Vajza e tyre dy vjeçare Willow kur lindi peshonte 5.5 kg. Djali i tyre katër vjeçar, Ace, gjithashtu lindi pak më i madh se mesatarja, 3.8 kg.
Vetëm 40 për qind e të porsalindurve australianë peshojnë më shumë se 3.5 kg. Remi është pjesë e vetëm 1.2 për qind që peshon më shumë se 4.5 kg.
