Chelsea fitoi finalen e FA Cup ndaj Manchester United, duke e mbyllur këtë sezon me një trofe pas dështimin në kampionat dhe Champions League. Penalltia e Eden Hazard ishte ajo që vendosi finalen dhe pas ndeshjes, teksa po shkonte drejt dhomës së zhveshjes, Morata tregoi pasionin e tij.
Në përfundim të ndeshjes, sulmuesi spanjoll Alvaro Morata nuk i ka mbajtur dot emocionet e këtij trofeu. 25-vjeçari u fut në fushë vetëm në minutat e fundit të takimit duke zëvendësuar Olivier Giroud.
Siç raportohet nga Metro, Morata ka bërtitur “ivamos ostia! iQue chupen pola!”, që përkthehet “Ec aty! Të na e marrin në g**ë!” Ka qenë një sezon zhgënjyes për Morata, i cili e nisi mirë pas transferimit nga Real Madrid, por që pas vitit të ri e ka pasur shumë të vështirë të gjejë rrugën e rrjetës. Dhe pas afrimit të francezit Giroud, ai në muajt e fundit ka humbur edhe vendin e titullarit.
