Orges Kupsi, që ndryshe njihet me emrin artistik Dj Visy,është arrestuar në Rodos të Greqisë, nga autoritete greke pasi i`u gjet 5.3 kilogramë kanabis.
Dj Visy siç dhe njihet ka udhëtuar shpesh në Greqi, ku dhe ka performuar në klube nate dhe aktivitetet të ndryshme të shqiptarëve që jetojnë në Greqi.
Bashkë me të riun shqiptare u arrestua edhe një 18-vjeçar grek, i cili akuzohet për posedim dhe trafik të drogës.
Lënda narkotike ndodhej e vendosur në pesë pako plastike, të cilat DJ shqiptar i kishte futur në valixhen e tij.
Ndërkohë, DJ Visy ka deklaruar para efektivëve se nuk ka dijeni se çfarë do të bëhej më tej me drogën, thjesht ishte paguar për të sjellë drogën në Rodos.
Ai nuk ka përmendur asnjë emër të personave që e kanë paguar. “Mora lekë që të sillja drogën këtu, nuk di diçka më shumë”, është shprehur Dj shqiptar.
