Dy vite pas largimit, për një mision të ri, folësja e lajmeve Monika Stafa rikthehet sërish në ‘Top Channel’. Pas plot 15 vitesh punë pa shkëputje, Monika Stafa u largua pa ndonjë zhurmë mediatike nga ‘Top Channel’, në prill të 2016-s.
Ajo vendosi të largohej, pasi u zgjodh në krye të Këshillit të Ankesave në Autoritetin e Mediave Audiovizuale (AMA).
Burime pranë Anabel.al konfirmojnë se Monika Stafa do t’i rikthehet pozicionit të folëses së lajmeve, po në ‘Top Channel’.
Në një bisedë me të bijën, gazetarja i parapriu rikthimit. “Të uroj një vit të mbarë, meriton të jesh atje më shumë nga të gjithë. Paç fat dhe shijoje! Një dolli për gazetaren më të mirë në botë […] Shko dhe hap një faqe të re. Ky vendim do të të rregullojë humorin”, i shkruan e bija.
Në përshkrimin e fotos, Stafa thotë “së shpejti, më ndiqni”.
