Statusi i minatorit ka qenë për mbi 25 vite premtimi më i madh sa herë ka fushatë zgjedhore në Bulqizë. Dy janë rastet kur politikanët kujtohen për Bulqizën; kur janë në fushatë elektorale dhe kur mediat ndërkombëtare bëjnë reportazhe për situatën në qytetin e minierave. Dje ne mediat italiane doli një reportazh për fëmijët që punojnë jashtë minierë dhe që mbledhin krom. Ndërsa sot për përfitime politike Kryetarja e LSI-së Monika Kryemadhi zhvilloi një takim me minatorët në Bulqizë, të cilëve u premtoi se do të votonte statusin e minatorit po ta sillte qeveria në kuvend. Ajo tha se minatorët kërkojnë atë që ju takon .
Kryemadhi: Minatorët kanë sakrifikuar jetën e tyre për një vend më të mirë. Minatorët nuk kërkojnë lëmoshë, lëmosha është fyerje për ta. Minatorët kërkojnë atë që u takon. Qeveria të ulet dhe të mos vonojë të sjell në parlament statusin e minatorit. LSI jo në opozitë me qeverinë për statusin e minatorit. Nëse qeveria sjell statusin e minatorit ne Kuvend, të 19 votat e LSI do jenë pro. Qeveria 40 milion euro dha këtë vit për kazanin e oligarkëve, fatura e statusit të minatorëve është sa 1/4 e fitimit të kazanit të oligarkëve.
