Pas deklaratës së Miranda Rirës që do të kandidojë sërish për të marrë Bashkinë e Përrenjasit, një reagim është përcjellë nga kreu i Grupit Parlamentar të PS, Taulant Balla, ku i kujton Rirës që pas 30 qershorit ajo do jetë e liruar nga detyra.
Sipas Ballës, PS nuk do ta lërë më Përrenjasin në dorën e Miranda Rirës dhe të LSI. Ai po kështu e cilëson atë të paaftë dhe të padenjë për votën që ka marrë katër vjet më parë.
“E dashur Miranda, sot kryeministri me shumë përzemërsi të uroi në mungesë lindjen e fëmijes, dhe nuk e kuptoj si jeni bërë kështu të gjithë në atë çerdhen e LSI, që flet Monika një gomarllëk e ju me vrap ta përsërisni!
Ah po, Edi Rama tha gjithashtu që në 30 qershor ti do jesh e liruar nga detyra, sepse ne s’do ta lëme më Përrenjasin në dorën tënde e të LSI! Po jo pse ti je grua, po sepse je e paaftë dhe e padenjë për votën që more katër vjet më parë.
Njësoj si Monika në fakt, e paaftë dhe e padenjë për votat që ka marrë, se për ato që ka blerë s’kemi ç’i themi, mall mori, mall hodhi në lumë! Kështu që pa merak Miranda, hyn ti, s’hyn ti në zgjedhje, Përrenjasi do kalojë me ata që e respektojnë mandatin e popullit dhe ata jemi ne, Partia Socialiste e Shqipërisë”.
Pse rrogat rriten në letra, por varfëria rritet në realitet?
