Politikani dhe biznesmeni kanadez Doug Ford krijoi shumë bujë kur gëlltiti aksidentalisht një bletë gjatë një konference për shtyp të drejtpërdrejtë.
Ford, 57 vjeç, ishte në mes të pyetjeve nga gazetarët mbi privatizimin e kujdesit shëndetësor në Dundalk, Ontario të premten, kur bleta fluturoi drejt e në gojën e tij.
“Krisht i Shenjtë, sapo gëlltita një bletë!”, bërtiti Ford. Në pamjet video të konferencës për shtyp e cila që atëherë është bërë virale, bleta shihet duke gumëzhitur rreth fytyrës së Fordit disa sekonda para se të zhytet në gojën e tij të hapur.
“Jam mirë. Ai është këtu poshtë dhe gumëzhinë përreth tani”, tha Ford, duke treguar barkun e tij. “Ai ka shumë pasuri të paluajtshme!”.
Videoja tregon momentin kur Ford gëlltiti bletën, teksa u përpoq ta nxirrte nga goja. Por ishte tepër vonë.
Kishte shqetësim nga turma me të cilën Ford kishte folur, por ai i siguroi se ishte mirë.
Kur dikush nga audienca e pyeti nëse ai ishte në rregull për të vazhduar, Ford u përgjigj: “Jam mirë. Po gumëzhin atje”.
Burimi i lajmit: dailymail. Përshtatur nga Tirana Today
