Një ngjarje e rëndë ka ndodhur mbrëmjen e djeshme gjatë ndeshjes U-21 mes Serbisë dhe Austrisë për Kampionatin Europian.
Mbrojtësi serb Jovanoviç, ndërhyn në mënyrë të gabuar ndaj futbollistit të Austrisë Hannes Wolf, duke i thyer këmbën këtij të fundit.
Siç shihet nga pamjet futbollisti ka thyer këmbën në mënyrë të tmerrshme. E gjithë skena u regjistrua në minutën e 75-të të ndeshjes.
Hannes Wolf cilësohet si ‘ylli’ i Austrisë, ndërsa pas këtij incidenti do të duhet të presë një kohë të gjatë për debutimin e tij në Bundesligë, pasi sapo kishte kompletuar kalimin nga Salzburg te Leipzig.
