Përfaqësuesja e lartë e BE-së për politikë të jashtme dhe siguri, Federica Mogherini, ka prezantuar mesditën e sotme strategjinë e BE për zgjerimin drejt Ballkanit Perëndimor.
Mogherini theksoi se Shqipëria dhe Mali i Zi janë në 100% me politikën e jashtme të BE, dhe mund të vazhdojë që janë shembuj.
Ajo tha se në gjashtë muajt e parë të vitit 2018 duhet të futen në histori sepse duhet të arrihet një pikë kthese për integrimin e Ballkanit perëndimor në Bashkimin Evropian. Mogherini deklaroi se duhet të vijojnë reformat në vendet e rajonit në të mirë të qytetarëve.
“Ballkani Perëndimor është pjesë e Evropës. Vendet e Ballkanit Perëndimor ndajnë të njëjtën histori, do të kemi një të ardhme të përbashkët. Shqipëria dhe Mali i Zi kanë qenë zbatuese 100% sa i përket politikave të jashtme. E ardhmja e përbashkët është prioriteti me të cilin po punon BE. Kjo strategji është prioritet i qartë për vendet e Ballkanit. Duhet të vijojnë reformat nga këto vende në të mirë të qytetarëve. Nuk ka një datë të saktë, por perspektiva mbetet e qartë dhe vizioni po ashtu. Kjo nuk vlen vetëm për ato vende për të cilat kanë nisur negociatat, por edhe për vendet e tjera. Kjo strategji është hapi i parë i BE, në muajt në vijim do të ketë hapa të tjerë.
Kemi ndërmarrë një rrugë për të ndërmarrë hapa të mëtejshëm. Kemi dhe samitin e Sofjes në Maj, por edhe vendime të rëndësishme në qershor.
Muajt në vijim do të jenë intensive dhe kërkojmë që të jenë ata muaj qe do të mbahen mënd për të ardhmen. Ne patjetër që kërkojmë anëtarë të rinj në bashkimin evropian. Në 6 muajt e parë të vitit 2018 duan që të arrijmë në një pikë kthese. Vende të tjera të bëhen pjesë BE-së,” deklaroi Mogherini.
