Kohët e fundit, emri i Renato Mekollit është lakuar shpesh, kjo për shkak të sjelljes ndaj kuzhinierëve që janë pjesë e emisionit ‘Hell’s Kitchen’. Shumë pjata janë kthyer mbrapsht dhe shumë prej tyre janë thyer në nerva e sipër. Por shefi i kuzhinës nuk është aspak i shqetësuar nga kritikat që i kanë dhënë ndjekësit në rrjetet sociale.
Së fundmi, Renato ka qenë i ftuar në emisionin ‘Thumb”, ku ndër të tjera foli për reagimin e tij ndaj znj. Tefta, për të cilën tha se është personazh ekrani dhe jo shefe kuzhine.
Teksa ka qënë duke biseduar me Aulonën, në studio futet Fatma dhe thyen gotat që kishte në dorë.
“Qimeee, qimeee, ka qimeee”, thotë Fatma duke bërtitur.
Ndërsa Renato i kthehet: “Po mos i thyej, se janë me lekë”.
