“Vendimi i jep fund një gjykimi kyç në historinë e fundit të Evropës për krime lufte, përfshirë gjenocidin që ndodhi në Bosnjë dhe Hercegovinë”. Ky ka qenë reagimi i përfaqësuesit të lartë të Bashkimit Europian për Punët e Jashtme, Josep Borrell dhe komisionerit për Fqinjësinë, Oliver Varhelyi, menjëherë pas vendimit që u mor nga Gjykata e Apelit të Hagës ndaj kriminelit serb , Ratko Mlladiç.
Në një deklaratë për shtyp, ata janë shprehur se, ky mision do të vazhdojë për të siguruar drejtësi për të gjitha viktimat e krimeve të luftës, krimeve kundër njerëzimit dhe gjenocidit dhe familjarëve të tyre. “Vendimi i sotëm është një mundësi për udhëheqësit në Bosnjë dhe Hercegovinë dhe rajon, në funksion të fakteve, për të udhëhequr rrugën në nderimin e viktimave dhe për të promovuar një mjedis të favorshëm për pajtimin për të kapërcyer trashëgiminë e luftës dhe për të ndërtuar paqen e qëndrueshme,”-shkruhet në deklaratën e përbashkët të Borrell dhe Varhelyi.
Sipas tyre, mohimi i gjenocidit, revizionizmi dhe lavdërimi i kriminelëve të luftës kundërshtojnë vlerat më themelore evropiane. “ Vendimi i sotëm është një mundësi për udhëheqësit në Bosnjë dhe Hercegovinë dhe rajon, në funksion të fakteve, për të udhëhequr rrugën në nderimin e viktimave dhe për të promovuar një mjedis të favorshëm për pajtimin për të kapërcyer trashëgiminë e luftës dhe për të ndërtuar paqen e qëndrueshme.
Ky është një parakusht për stabilitetin dhe sigurinë e Bosnjës dhe Hercegovinës dhe thelbësor për rrugën e saj në BE”, thuhet në deklaratë, ku vijohet t’u bëhet thirrje gjykatave ndërkombëtare dhe vendore në Bosnjë dhe Hercegovinë dhe në vendet fqinje, që të vazhdojnë misionin e tyre për të siguruar drejtësi për të gjitha viktimat e krimeve të luftës, krimeve kundër njerëzimit dhe gjenocidit dhe familjarëve të tyre. “Nuk mund të ketë pandëshkueshmëri”, thuhet në njoftimin e dalë nga zyrat e BE-së.
