Një tjetër mjek nuk ia ka dalë dot mbanë me koronavirusin vdekjeprurës. Sot ka humbur jetën nga COVID-19, mjeku i Spitalit rajonal të Kukësit, Astrit Haziri.
Kreu i Urgjencës Kombëtare, Skënder Brataj, ka ngushëlluar familjarët e mjekut. Brataj shprehet se stafi mjekësor humbi një koleg të përkushtuar, i cili ishte në vijën e parë me virusin.
Tejet i trishtuar, Brataj citon më tej se pak ditë më parë u informua për gjendjen shëndetësore të tij, kur ndodhej akoma në banesë. Por virusi nuk pyet për moshë e profesion!
Statusi
Ndahet nga jeta Dr. Astrit Haziri
Ngushëllime familjes
Covid-19 e ka shënjestrën e tij të parë personelin mjeksor! Sepse ai ishte në vijën e parë, ballë për ballë me këtë virus të pa dukshëm por agresiv dhe dëmtues pa masë. Ne humbëm një koleg, të përkushtuar, familja humbi babain, bashkëshortin dhe shokun e jetës. Unë humba shokun e shkollës, kolegun e mire. Vetëm pak ditë më pare u dëgjuam për gjendjen shëndetësore të tij kur ndodhej akoma në banesë. Lamtumirë dhe të qoftë dheu i lehtë shokë i mirë.
