Mjeku i Spitalit të Traumës, i cili ka nën vëzhgim 23-vjeçarin Aldison Beluli ka dhënë detaje për gjendjen e këtij të fundit.
Në një deklaratë për mediet, mjeku tha se gjendja e Belulit është e rëndë dhe se rrezikon vdekjen nëse truri vazhdon ënjtjen.
Sipas tij, 23-vjeçari ka 2 plagë në kokë që kanë shkaktuar jo pak dëme, duke folur për dëmtime të kockave të fytyrës dhe edemë të trurit:
“Pacienti ka dy plagë të cilat kanë shkaktuar jo pak dëme tek i sëmuri. Kemi thyerje të kockave të fytyrës, kemi dëmtime të bazës së kraniumit, të rrënjës së hundës dhe dëmtime intrakraniale ose të trurit. Është një zonë e madhe hemorragjike nga ana e djathtë por më e dëmshme është edema e gjithë trurit.
Nuk është problemi se i ka kaluar plumbi por është në rrezik sepse procesi i ënjtjes ose edema i merr jetën. Nëse kjo vazhdon truri mbyt veten dhe këtu është edhe vdekja”.
