Prej muajit nëntor, mjeku popullor nga Kosova Hysri Peqani, i njohur si Burdushi, vuan dënimin pasi akuzohet për mashtrim ndaj klientëve që kërkonin shërim te ai, duke u marrë shuma të konsiderueshme parash.
Por, duket se Peqani nuk e ka duruar më qëndrimin në burg, duke tentuar të vetëvritet. Ngjarja ka ndodhur rreth dy javë më parë në paraburgimin e Prizrenit.
Por, falë ndërhyrjes së shpejtë të efektivëve, është bërë e mundur që tentativa të ndalohet në kohë.
“Me datën 25.02.2019, rreth orës 05:00 të mëngjesit, i paraburgosuri H.P. ka tentuar të bëjë vetëvrasje, me ç’rast si mjet ka përdorur çarçafin e shtratit, i cili është në dhomën e tij. Pasi është dëgjuar një zhurmë në dhomë, zyrtarët korrektues kanë reaguar shpejt dhe kanë parandaluar një tentativë të tillë ende pa filluar (d.m.th. në fazën fillestare)”, njoftojnë autoritetet në Kosovë.
