Mjeku kinez Li Wenliang, i cili ishte i pari që dha alarmin për koronavirusin tashmë është “pre” e virusit. Mësohet se ai është shtruar pasi ka rezultuar i infektuar pas testeve të kryera.
Në muajin dhjetor, teksa rastet e paraqitura ishin të pakta dhe në mungesë të një informacioni shkencor, Wenliang, me anë të një platforme mesazh njoftoi të gjithë mjekët se virusi i ri, sipas testeve që kishte parë, i përkiste koronaviruseve dhe ishte i ngjashëm me SARS-in.
“Unë vetëm desha që të kërkoj nga kolegët që të jenë të kujdesshëm”, tha ai, duke kujtuar rrezikun e SARS-it në vitin 2003.
Mjeku nga Wuhan ishte përpjekur të lajmëronte të gjithë ata që njihte në mënyrë private, por disa prej mesazhe të tij ishin bërë publike nëpër media, duke u kthyer në kryefjalën e rrjetit.
“Kur i pashë mesazhet duke qarkulluar në internet, kuptova se kanë dalë nga kontrolli im dhe ndoshta do të ndëshkohesha”, tha mjeku Li. Vetëm pak orë më pas ai u ndalua nga policia, raporton CNN.
