Pas kapjes së ekzekutorit të Devi Kasmit nga një grek, zbulohen edhe fotot e këtij të fundit. Ashtu siç kishte dëshmuar shoku i Kasmit, Mario Meshini, siç duket edhe në foto, vrasësi grek i identifikuar si Eftimius Eftimiu, është mjekrosh dhe më flokë të gjata.
Mësohet se Eftimius është personi që ka qëlluar me 5 plumba ndaj Devi Kasmit, ndërsa organizatori Aurel Hoxhallari, është ende në kërkim nga policia.
Eftiumius është vrasës me pagesë, banues në Arta të Greqisë. Drejtori i Policisë së Tiranës, Ardi Veliu deklaroi se shtetasi grek ka qenë efektiv i forcave speciale greke nga viti 1992 deri në vitin 2012. Nga një monitorim në profilin e tij në Facebook, kuptohet se greku ka pasion gjuetinë dhe armët.
Në momentin e arrestimit, atij iu gjetën me vete një sasi e konsiderueshme eurosh dhe parash shqiptare, që dyshohet se i ka përfituar si shpërblim për vrasjen.
