Një koloni mizash ka pushtuar ujërat e liqenit të Fierzës, duke alarmuar banorë të fshatit Breg Lumë të Kukësit.
Banorët ndjehen të rrezikuar nga përhapja e ndonjë epidemie, ndërsa shtojnë se tek fëmijët kanë nisur të shfaqen pulla të kuqe.
Sipas tyre, mizat janë shfaqur për shkak të temperaturave të larta, thatësirës dhe rënies së nivelit të ujit në liqenin e Fierzës, duke pushtuar tokat dhe banesat e tyre.
Mësohet se specialistët e Shëndetit Publik kanë bërë verifikime në terren për situatën.
