Një grup maturantësh serbëkanë sulmuar efektivët e Policisë së Kosovës. Mësohet se incidenti është regjistruar pasditen e sotme në Urën e Ibrit në Mitrovicë.
maturantët, rreth 30 apo 40 persona, janë grumbulluar tek Ura e Ibrit për të festuar, por kur efektivët kanë shkuar t’i shpërndajnë, ata i kanë sulmuar me fishekzjarre dhe lëndë plasëse.
“Rreth orës 17:00, diku rreth 30-40 persona, nxënës të shkollës së mesme, maturantë, pa paralajmërim janë paraqitur në afërsi të urës për të shprehur mënyrën e tyre festive të maturës. Policia ka reaguar me njësitë e saja dhe me pas ka shpërndarë të njëjtit,”– informon policia e Kosovës.
Fatmirësisht askush nuk është lënduar nga fishekzjarret dhe maturantët janë shpërndarë.
Në lidhje me këtë incident, ka reaguar dhe Zëdhënësi i Policisë së Kosovës për Rajonin e Mitrovicës, Besim Hoti.
“Një grup maturantësh rreth 30-40 persona kanë shkuar te Ura e Ibrit pa paralajmërim, kanë hedhur fishekzjarrë. Nuk raportohet për persona të lënduar, turma është shpërndarë nga policia. Do të shqiptohen masa kundërvajtëse”, tha ai.
