Bekim Çollaku, këshilltar i presidentit të Kosovës Hashim Thaçi, ka deklaruar se me anë të skenarit të korrigjimit të kufijve, do të ndodhë përfundimisht bashkimi i Mitrovicës.
Çollaku i bëri këto deklarata teksa ishte i ftuar në Klan Kosova, ndërsa foli edhe për një marrëveshje finale me Serbinë.
“Me këtë skenar e them sonte për herë të parë, nëse dikujt i intereson vërtetë dhe ka punuar ndonjëherë që Mitrovica si qytet i ndarë sot në dy komuna të bashkohet ndonjëherë, mundësia për ta bashkuar Mitrovicën si një qytet të vetëm brenda kufijve të Kosovës, është korrigjimi i kufijve”, tha Çollaku, ndërsa shtoi se me këtë skenar, Serbia do ta njohë shtetin e Kosovës.
“Jemi të bindur që në këtë skenar Serbia do ta njohë shtetin e Kosovës, do të mund të riparojmë një gabim historik të shqiptarëve që jetojnë përtej kufirit të Kosovës, dhe do të arrijmë të fusim brenda kufirit të Kosovës, Luginën e Preshevës.
Sidoqoftë, ideja e korrigjimit të kufijve që po proklamohet nga presidenti Thaçi po kundërshtohet ashpër nga kreu i Qeverisë, Ramush Haradinaj. Madje, përmes vendosjes së taksës, ai arriti ta bllokojë dialogun”, tha ndër të tjera Çollaku.
