Sot ka kudo një ndërgjegjësim të madh mbi shëndetin. Por shumë njerëz e marrin informacionin e tyre nga burime të gabuara në internet. Dhe sigurisht, më shumë njerëz i shpërndajnë këto informacione në internet, duke e bërë të vështirë të dallohet çfarë bazohet në prova, dhe çfarë tek mitet.
Karbohidratet
Shumë njerëz ia atribuojnë këtë insulinës, hormonit që ndihmon në rregullimin e niveleve të sheqerit në gjak. Është e vërtetë që diabetikët dhe njerëzit që konsumojnë me tepri karbohidrate, do përballen me probleme shëndetësore. Por ato kanë nga ana tjetër shumë vlera ushqyese, dhe çelësi qëndron në konsumin e tyre në mënyrë të moderuar.
Yndyra
Ushqimi më shumë yndyrë, ju bën të fitoni peshë. Por një dietë me pak yndyrë, nuk do të thotë gjithmonë se do të humbasësh në peshë. Në fakt, heqja dorë nga të gjitha yndyrat, mund të jetë e rrezikshme, pasi ekzistojnë disa yndyrna, si acider yndyrore Omega-3 dhe Omega-6, për të cilat trupi ka nevojë që të mbijetojë. Yndyra e ngopur, nuk është edhe aq e keqe për shëndetin e zemrës. Një sasi e pakët e saj mund të jetë në rregull, por shumë mund të bllokojë arteriet, dhe të rrezikojë të shkaktojë një sulm në zemër.
Mishi i kuq
Ka shumë zëra se mishi i kuq shkakton kancer. Në fakt shumë tumore kanë lidhje gjenetike, ose shkaktohen nga faktorë të tjerë ushqimorë ose mjedisorë. Pavarësisht nga mitet, të dhënat e e dritanishme sugjerojnë se mishi i kuq, mund të përbëjë vetëm një rrezik për kancer, tek ata që kanë një dietë ushqimore të dobët. Mospirja e duhanit, pasja e një diete të shëndetshme dhe ushtrimi i rregullt fizik, mund të bëjë më shumë për të parandaluar kancerin se gati çdo gjë tjetër. Sidoqoftë, mirë është që të kufizoni sasinë e mishit të kuq, dhe të ulni sasinë e mishrave të përpunuar.
Vezët
Është e vërtetë që e verdha e vezës, përmban shumë kolesterol. Por është gjithashtu e vërtetë, se konsumi i më shumë kolesteroli, nuk do të thotë se do ta keni kolesterolin e lartë. Studimet e fundit, nuk kanë gjetur asnjë lidhje midis vezëve dhe sëmundjeve kardiovaskulare. Kjo me përjashtim të atyre njerëzve që vuajnë tashmë nga sëmundje si diabeti ose hiperglicemia. Në përgjithësi, vezët janë të shkëlqyera, dhe janë një burim fantastik i proteinave, yndyrave të mira, dhe ushqyesve të tjerë të dobishëm.
Mëngjesi
Thuhet shpesh se “mëngjesi është vakti më i rëndësishëm i ditës”. Kjo është diçka që na e kanë thënë ndër vite prindërit dhe mjekët. Ka të dhëna se ata që nuk hanë mëngjes, kanë një indeks më të lartë të masës trupore (BMI). E vërteta është se nuk duhet të hani mëngjes për të qenë të shëndetshëm, apo edhe për të humbur peshë. Ngrënia e mëngjesit, ndihmon në mbajtjen nën kontroll të nivelit të sheqerit në gjak.
Suplementet me vitamina
Shumë ekspertë të shëndetit, besojnë se çelësi për një jetë të shëndetshme, është marrja e përditshme e suplementeve me vitamina. Argumenti është se bujqësia moderne, ka çuar në varfërimin e lëndëve ushqyese në tokë, duke na lënë me ushqime më pak ushqyese se dikur. Në fakt shumë nga vitaminat që rekomandohen, mund të gjenden ende në ushqime të caktuara që tashmë i konsumojmë.
Kripa
Një konsum i madh i kripës, nuk është kurrë një gjë e mirë. Ajo mund të shkaktojë presion të lartë të gjakut, dëmtim të veshkave etj. Por nga ana tjetër një sasi e pamjaftueshme e kripës në organizëm, mund të ketë efekte po aq të dëmshme në shëndetin tuaj kardiovaskular.
Mos hani pak para së të flini gjumë
E dëgjojmë këtë këshillë shumë shpesh: “Mos hani kurrë pas orës 8 të mbrëmjes, pasi nuk digjni kalori gjatë gjumit”. Kjo është absolutisht e vërtetë për disa njerëz, por jo për të gjithë. Në fakt, disa studime të kohëve të fundit, kanë treguar se ka njerëz që humbin peshë duke ngrënë herët, dhe disa të tjerë duke ngrënë më vonë. Ekpertët thonë se edhe në orët e vona mund të konsumohet diçka, po jo të rëndë.
Hani vakte të vogla, për të forcuar metabolizmin
Problemi me këtë mit është se në praktikë, ngrënia e vakteve më të vogla, e bën më të vështirë arritjen e ndjesisë së ngopjes, çka i bën njerëzit të hanë më shumë se të tjerët. Problemi tjetër me këtë metodologji, është se metabolizmi mund të rritet dhe të luhatet në varësi të madhësisë së vaktit.
TIRANA TODAY
